என்னை மறந்து விட்டாயா?
இனி என்னை புன்னகையில் தேடாதீர்கள்
கண்ணீர்த்துளிகளில் காத்திருக்கிறேன்
கண்ணீர் மதுவாகிறது …
———————————
எழுதிப் பாருங்கள் என் போல காதலில் தோற்று ..
எழுதுவது பாவம்
ரசிப்பது புண்ணியம்
--------------------------
நீ மனிதர்களை பாடியது போதும்.
அன்றில், மணிப்புறா, மான், .. பாடு
காதலுக்கு புல்லரித்து விடும்.
———————————————
தேயும் நிலவு, ஒழுகும் தேன்கூடு, உதிரும் மலர்
எழுதாத டைரி, எண்ணப்படாத மூளை .. இவற்றோடு நீ.
சுகிக்கப்படாதவை இப்படியே தொடருமா?
————————————————-
உன் தாலி கயிறில் தூக்குப் போட்டு தொங்கும்
உன் கனவுகளை தொட்டு விட்டு சொல்.
என்னை மறந்து விட்டாயா?
No comments:
Post a Comment